Ciamar a tha LEADER+ ag obrachadh?

Gnìomhan

Bheir Prògram LEADER+ taic do thrì dhiofar raointean ris an canar ‘Gnìomhan’, a tha air an comharrachadh leis an Aonadh Eòrpach.  Tha iad seo mar a leanas:

Gnìomh 1: Pròiseactan leasachaidh a tha àmalaichte agus ùr.  Cuidichidh an gnìomh buidhnean ionadail gus pròiseactan agus planaichean leasachaidh, ùr-ghnàthaichte, leantainneach a chur an àite.

Gnìomh 2: Co-obrachadh eadar sgìrean dùthchail. Tha e mar fhiachaibh air Buidhnean LEADER+ obrachadh còmhla ri buidhnean eile ann am Breatainn, anns an Aonadh Eòrpach no ann an dùthchannan eile, le bhith a’ tarraing sgìlean agus goireasan ri chèile gus na h-amasan anns na planaichean leasachaidh fa-leth a choilionadh.

Gnìomh 3: Lìonraidhean.  Tha gach buidheann LEADER+ a’ sgaoileadh an cuid bheachdan agus dòighean obrach mhath tro lìonraidh nàiseanta LEADER+.

Tha na prìomh chuspairean, a tha a’ Bhuidheann Gnìomh Ionadail airson adhartachadh tro na gnìomhan air an cuir sìos ann am Plana Gnìomhachais LEADER+ anns na h-Eileanan an Iar, An Eilean Sgitheanach is Loch Aillse.

A’ toirt pròiseact air adhart

Tha luchd-obrach fa-leth aig LEADER+ gus coimhearsnachdan a chuideachadh ann      a  bhith a’ gluasad pròiseactan.  Innsidh an t-Oifigear Pròiseict san sgìre agaibh a bheil am pròiseact agaibh airidh air taic agus, ma tha, dè am fiosrachadh eile a tha dhìth.  Thèid pròiseactan freagarrach air adhart chun Bhuidheann Gnìomh Ionadail oir ’s iad sin an fheadhainn a tha ag aontachadh pròiseactan LEADER+.

Ma-thà beachdan agaibh air pròiseact a bhiodh freagarrach, cuiribh fios chun Oifigear Proiseact sgìreil agaibh.  Tha na h-oifigearan pròiseict stèidhte ann an toglaichean nam Buidhnean Iomairt san dà sgìre.

Iomairt nan Eilean Siar, Ceàrnag Sheumais, 9 Sràid Sheumais, Steòrnabhagh, Eilean Leòdhais, HS1 2QN
Fòn:  01851 70 3703

Iomairt an Eilein Sgitheanaich ’s Loch Aillse, Taigh a’ Rìgh, Portrìgh, An t-Eilean Sgitheanach, IV51 9BS
Fòn:  01478 61 2841

No ma thathar ag iarraidh ’s urrainn dhuibh bileag LEADER+ a lìonadh a-steach air an làrach-lìn.