|
Air 14 Giblean 2000 dh’aontaich a’ Choimisean ris na pàipearan-stiùiridh a chaidh air beulaibh Staitean nam Ball gus Iomairt Coimhearsnachd airson leasachadh dùthchail, LEADER+, a chur air chois. B’ e seo aon a-mach às na ceithir Iomairtean Coimhearsnachd a chaidh a stèidheachadh bhon Mhaoin Structarail airson nam bliadhnaichean 2000-2006.
Gheibh na ceithir Iomairtean airgead suas ri 5.35% dhen Mhaoin Structarail eadar 2000 agus 2006. Gu h-iomlan gheibh LEADER+ EUR2020 mìllean bhon Choimhearsnachd, tro Roinn Stiùiridh EAGGF.
Mar a thuigear bho ainm, tha prògram LEADER+ a’ gabhail a-staigh barrachd na bha na prògraman LEADER a bh’ ann roimhe. Tha e nas adhartaiche agus bidh e ag amas air taic agus brosnachadh a thoirt do ro-innleachdan airson leasachadh sgìrean dùthchail.
Bidh e a’ cur tòrr cudthrom air co-obrachadh agus lìonraidhean eadar sgìrean dùthchail. Ann am prionnsabal, tha a h-uile sgìre san Aonadh Eòrpach freagarrach airson taic-airgid fhaighinn bho LEADER+.
|
LEADER+ Guidelines (PDF 65.8 KB) 
